![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Districto d'afers central de Sydney | |
Barrio de Sydney | |
![]() Districto d'afers central de Sydney | |
Entidat • País • Ciudat • Aria de gub. local |
Barrio![]() Sydney Ciudat de Sydney |
Superficie • Total |
2.8 |
Población • Total (2016) |
17 252 hab. |
Codigo postal | 2000 |
Situación de CBD en Sydney |
O districto d'afers central de Sydney (en anglés Sydney central business district u CDB) ye un barrio d'a ciudat de Sydney, en Nueva Galas d'o Sud, Australia. Se troba a 3 km alto u baixo a o sud de Sydney Cove, o punto que estió o primer asentamiento europeu d'a rechión de Sydney. Debiu a o suyo paper prencipal en os primers anyos d'a historia d'Australia, ye una d'as zonas mas antigas d'o país.
Cheograficament, o suyo eixe norte-sud va dende Circular Quay a o norte dica a gara central a o sud. O suyo eixe este-ueste va dende a cadena de parques formada por Hyde Park, The Domain, o Reyal Chardín Botanico y Farm Cove en a badía de Sydney a l'este; dica Darling Harbour y Western Distributor a l'ueste. O censo australiano de 2016 rechistraba una población de 17.252 en o districto. O termín "Sydney CBD" ye emplegau muit ocasionalment ta fer referencia no nomás a o propio districto d'afers central, sino tamién a atros barrios amanaus como Pyrmont, Haymarket, Ultimo y Woolloomooloo.
O districto d'afers central de Sydney ye o prencipal centro financiero y economico d'Australia, asinas como o prencipal nuclio d'actividat economica d'a rechión Asia-Pacifico. O centro d'a ciudat da treballo alto u baixo a un 13% d'a población activa d'a rechión de Sydney. Produció beneficios de 64,1 mil millons de dólars en biens y servicios en 2011–2012.[1] Culturalment, o centro d'a ciudat de Sydney ye un punto focal ta l'ocio y a vida nocturna. Astí se troban beluns d'os edificios y estructuras mas altos de Sydney.